1-oktabr kuni O‘zbekiston Tasviriy san’at galereyasida Zurab Tseretelining “Mangulikka yo‘g‘rilgan hayot” nomli ko‘rgazmasi ishga tushdi. Ekspozitsiya “San’at dunyosi” II Rossiya san’at festivalining bosh voqeasiga aylandi.

Ko‘rgazmada 80 dan ortiq eksponat, shu jumladan, mohir ustaning rangtasvir, haykaltaroshlik va emal asarlari taqdim etilgan.

Festivalni O‘zbekiston Madaniyat va san’atni rivojlantirish jamg‘armasi raisi Gayane Umerova, Kinofestivallar va xalqaro dasturlar markazi prezidenti Tatyana Shumova va Rossiya Badiiy akademiyasi prezidenti Vasiliy Tsereteli tantanali ravishda ochib berdilar.

Ko‘rgazma 1-dekabrga qadar davom etadi. Festival O‘zbekiston Madaniyat va san’atni rivojlantirish jamg‘armasi hamda Rossiya Federatsiyasi Madaniyat vazirligi hamkorligida tashkil etilgan.