Toshkentdagi Zamonaviy san’at markazi o‘zining 2026-yil mart oyida ishga tushirilishi arafasida mahobatli “Grand Pale” saroyida “Art Bazel Parij” yarmarkasi doirasida tadbir o‘tkazdi.
O‘zbekiston Madaniyat va san’atni rivojlantirish jamg‘armasi raisi Gayane Umerova, “Studio KO” me’morchilik byurosi hammuassisi, ushbu Markaz qo‘nim topadigan 1912-yilda qurilgan dizel elektr deposi binosini qayta loyihalashtirayotgan Olivye Marti, shuningdek, Markazning bosh badiiy muhofizi va ijodiy direktori d-r Sara Raza Fransiya san’at sahnasining yetakchi vakillari bo‘lmish muzeylar direktorlari, san’at arboblari, rassomlar, dizaynerlar va me’morlarni qutladilar.