Dishon Yuldash — Toshkentdagi Zamonaviy san’at markazining yangi rezidenti
⠀
Biz Dishon Yuldashni Toshkentdagi Zamonaviy san’at markazi Badiiy qarorgohlarining yangi rezidenti sifatida olqishlashdan mamnunmiz. “ISSMAG” notijorat galereyasi va “Prolog.Vision” platformasi asoschisi va rassom Dishon Yuldash ixtiyorga zid ko‘chishlar va mansublik, madaniy gibridlik hamda global migratsiya masalalarini tadqiq etadi. Uning ijodi organik va texnologik, me’moriy va beqarorlikni birlashtirib, xotira va moddiyot o‘rtasidagi bo‘sh mavjudlik makonlarini hosil qiluvchi haykaltaroshlik tiliga asoslanadi.
⠀
O‘zbekistonda tatar-o‘zbek oilasida tug‘ilib, Qozon shahrida voyaga yetgan, keyinchalik Yevropada yillar davomida mutaxassis sifatida shakllangan D.Yuldash o‘zgaruvchan o‘zlik makonida istiqomat qiladi. Bangkokda yashab ijod qilib, u o‘z ishining markaziy jihati sifatida mo‘tadil oraliqni qabul qiladi, bu yerda tezlik sur’ati va takrorlanish migratsiya, g‘oyib bo‘lish va madaniy xotira davralarini aks ettiruvchi jarohat va davolanishni o‘zida mujassam etadi.
Uning “Prolog.Vision” platformasi “Rejalashtirilgan eskirish” nomli ko‘rgazmani amalga oshirib, “Innovatsiya – 2017, yil san’at muhofizi” mukofotiga sazovor bo‘lgan. Yuldash, shuningdek, “Carbone 20” biyennalesi (Fransiya)da va xalqaro san’at yarmarkalarida, jumladan, “Cosmoscow”, “Blazar”, “Catalog” va “Art Moment Jakarta” ko‘rgazmalarida ishtirok etib, o‘z faoliyatini mamlakat sarhadlaridan tashqarisida davomiy ravishda kengaytirib bormoqda.