1-dekabr kuni Qozon shahrida G‘aliasqar Kamol nomidagi Tatar davlat akademik teatrida Kirill Rihter va O‘zbekiston milliy simfonik orkestrining “Vaqt qumlari” nomli yangi saylanma konsert dasturi bo‘lib o‘tadi. U ilk bor O‘zbekistonda xizmat ko‘rsatgan xor jamoasi jo‘rligida ijro etilib, uning sharofati bilan musiqa yangicha ifodalilik va ohang kasb etadi.
Ushbu konsertning miqyosi oddiy ijrodan ko‘ra salmoqliroqdir. Bu zamonaviy akademik musiqa, zabardast orkestr jo‘shqinligi hamda yorqin madaniy va tarixiy qiyofalarni birlashtirgan muhtasham simfonik sayohatdir. Tomoshabinlar ko‘z o‘ngida turli tamaddunlarga mansub davrlar, afsonalar va badiiy qadriyatlar o‘zaro tutashgan keng ko‘lamli ohanglar olami namoyon bo‘ladi.