7-avgust kuni “Bunyodkor” stadionida O‘zbekiston tarixida ilk bor jahon miqyosidagi yulduz — Jennifer Lopesning yakkaxon konserti bo‘lib o‘tdi!
O‘zbekiston Respublikasi Madaniyat va san’atni rivojlantirish jamg‘armasi tashabbusi bilan tashkil etilgan ushbu konsert mamlakatda voqeliklarga asoslangan madaniyat sanoatining shakllanishida muhim bosqich bo‘ldi. Bu nafaqat san’atga bo‘lgan e’tiborni, balki madaniy diplomatiyaning yangi sahifasini ochdi.
Toshkent shahri bu tadbir orqali yuqori darajadagi xalqaro madaniy loyihalarni qabul qilishga tayyor ekanini ochiq namoyon etdi — texnik jihozlardan tortib, mehmonlar oqimini muvofiqlashtirish, ko‘ngillilar yordami va shaharga xos mehmondo‘stlik muhitigacha barcha jihatlar jahon standartlariga monand bo‘ldi.