Kecha "Orol maktabi" ishtirokchilari o‘quv hududidan chiqib, Orol dengizining qurigan tubiga borishdilar. BMT Taraqqiyot dasturining O‘zbekistondagi mutaxassislari hamda Qorao‘zak davlat o‘rmon xo‘jaligi bo‘limi o‘rmonchilari bilan birgalikda ular dunyoning eng murakkab landshaftlaridan biri bo‘ylab saksovul nihollari va boshqa galofit o‘simlik turlarini ekdilar. Shu tariqa bir necha oy davom etgan mushtarak ta’lim va izlanishlar amaliyotda o‘z ifodasini topdi.
2026-yil yanvar oyidan buyon Jamg'arma, BMT Taraqqiyot dasturi va "Orol maktabi" o‘zaro hamkorlikni tizimli qo‘shma dastur asosida mustahkamlab kelmoqda — mentorlik uchrashuvlari, bilim almashuv sessiyalari va nihoyat, bugungi qurigan dengiz tubidagi dala ishlari ana shu jarayonning mantiqiy davomi bo‘ldi.
So‘nggi haftalarda har ikki jamoa Orolbo‘yi uchun dolzarb bo‘lgan ustuvor yo‘nalishlar yuzasidan fikr almashdi: suv resurslarini boshqarish, iqlim o‘zgarishiga bardoshli qishloq xo‘jaligi, ekotizimlarni tiklash hamda mahalliy hamjamiyatlar barqarorligini mustahkamlash masalalari muhokama markazida bo‘ldi.