Forum o‘z ishini iqlim o‘zgarishi va barqaror rivojlanishning ustuvor masalalari bo‘yicha yoshlarning mavqeini aks ettiruvchi yakuniy tavsiyalar va sa’y-harakatlarga chaqiriqni tasdiqlash bilan davom ettirdi. Mazkur hujjat ishtirokchilarning YUNESKO Bosh konferensiyasining 43-sessiyasiga rasmiy hissasi bo‘ladi.
Alohida e’tibor “Project Café”siga qaratilib, unda yosh yetakchilar iqlim va ijtimoiy muammolarni hal etishga qaratilgan tashabbus va loyihalarini taqdim etdilar. Ishtirokchilar birgalikda muloqot shaklida ularni rivojlantirish bo‘yicha amaliy takliflarni ishlab chiqdilar.
Dastur yakunida xalqaro hamkorlik va barqaror kelajakni yaratishga umumiy intilishlarni ifodalovchi yopilish marosimi va madaniy kecha bo‘lib o‘tdi.